Йирик лойиҳалар

ДХШ асосида амалга оширилган йирик лойиҳалар рўйҳати

Иқтисодий ўсишни рағбатлантириш ва фуқаролар ҳаётини яхшилашда йирик транспорт тизимлари ёки энергетика иншоотларини қуриш каби йирик давлат-хусусий шериклик лойиҳалари муҳим ўрин тутади.

Тошкент шаҳри, Қорақалроғистон Республикаси ва Хоразм вилоятларида гемодиализ марказларини ташкил этиш

Тендер ғолиби Ҳиндистоннинг Nephroplus компанияси

Лойиҳа бўйича тендер ғолиби бўлган Ҳиндистоннинг Nephroplus компанияси 2022 йилда Нукус шаҳри (150 бемор) ҳамда Хоразм вилоятининг Урганч (125 бемор)ва Боғот (125 бемор) туманларидаги марказларнинг фаолиятини бошлади: Лойиҳа муддати – 10 йил.

Тошкент шаҳри иссиқлик таъминоти тизимларини модернизация қилиш ва бошқарувга бериш

Тендер ғолиби Франциянинг “Veolia” компанияси

Лойиҳа бўйича Франциянинг “Veolia” компанияси 2022 йил 1 июлдан ўз фаолиятини бошлади: Лойиҳа муддати – 25 йил; Лойиҳа даврида (30 йил) “Veolia” компанияси томонидан жами 181 та иншоот ва қозонхонани модернизация қилиш, 575,6 км иссиқлик тармоқларини қуриш, 51,5 минг дона иссиқлик ва 2,5 млн. дона иссиқ сув ўлчагичларни ўрнатиш ишлари олиб борилади.

Наманган шаҳар канализация тозалаш иншоотини модернизация қилиш

Тендер ғолиби "Metito" компанияси

Лойиҳа бўйича тендер ғолиби бўлган Metito компанияси билан 2022 йил 24 февралда ДХШ битими имзоланди: Лойиҳа муддати – 25 йил; Қуввати суткасига 100 минг м3 оқова сувларини тозаланади ва 8 км узунликдаги оқова сув тармоқлари янгидан қурилади.

Қорақалпоғистон Республикасининг Қораўзак туманида 100 МВт шамол электр станциясини қуриш

Тендер ғолиби "ACWA Power" компанияси

Лойиҳа муддати - 25 йил, 1 кВт электр тарифи – 2,56 цент, 110 мингдан ортиқ хонадонлар узлуксиз электр энергия билан таъминланади, 25 дан ортиқ илғор шамол турбиналари ўрнатилади.