TOSHKENT SHAHAR ISSIQLIK MARKAZLARI DXSH ASOSIDA MODERNIZATSIYA QILINADI

O‘zbekiston Respublikasi Vazirlar Mahkamasining (26.04.2022 yil, 214-son) qarori bilan davlat-xususiy sheriklik asosida Toshkent shahar issiqlik markazlari kogeneratsion texnologiyalarni joriy etish orqali modernizatsiya qilinadi.

Loyiha doirasida to‘g‘ridan-to‘g‘ri davlat kafolatisiz xorijiy investitsiyalar hisobiga Toshkent shahar issiqlik ta’minoti markazlarini modernizatsiya qilish va ularda kogeneratsiya qurilmalarini joriy etish orqali yoqilg‘i-energetika resurslarini tejash hamda shahar aholisini ishonchli issiqlik va elektr energiyasi bilan ta’minlash ko‘zda tutilgan.

Ushbu loyiha «Siemens Energy Global GmbN&Co.KG» (Germaniya) va «Stone City Development B.V.» (Niderlandiya) kompaniyalari (investor) tomonidan amalga oshiriladi.

Loyiha investor bilan davlat-xususiy sheriklik asosida to‘g‘ridan-to‘g‘ri muzokaralar o‘tkazish orqali amalga oshiriladi.

Loyihaga «ILF Consulting Engineers» kompaniyasi — texnik konsultant, «PricewaterhouseCoopers» kompaniyasi — moliyaviy konsultant, «White & Case» kompaniyasi — yuridik konsultant sifatida jalb qilindi.

Kogeneratsiya- elektr va issiqlikni birgalikda kombinatsiyalangan sharoitida ishlab chiqarishga asoslangan markazlashtirilgan isitish tizimidir. Ya’ni bunda elektr ishlab chiqarishda ishlatilgan energiyadan keyinchalik issiqlik ta’minoti ehtiyojlari uchun foydalanish tushuniladi.

You may also like...

Fikr bildirish

Email manzilingiz chop etilmaydi.

Matn o'lchami